სტუდია Warner Bros. მორიგი კომიქსის ადაპტაციაზე “ლურჯ ხოჭოზე” მუშაობას იწყებს.
DC-ის კომიქსი პირველად 30-იან წლებში გამოიცა, მთავარი გმირი ტექნოლოგიურად განვითარებული პოლიციელი იყო. 50-იანებში ლურჯი კოსტიუმი ახალმა პერსონაჟმა მოირგო, რომელსაც იდუმალი ხოჭოს ამულეტის წყალობით სუპერძალები ჰქონდა. ყველაზე პოპულარული კი 60-იან წლების რებუთი გამოდგა, ახალი გმირი არქეოლოგის მოსწავლე, ნიჭიერი სპორტსმენი და გამომგონებელი ტედ კორდი გახდა.
კინოკომპანია მომავალ ფილმს სწორედ ტედ კორდის პერსონაჟის მიხედვით ააწყობს. პროექტის აღმასრულებელი პროდიუსერი ზევ ფორმენი(დალასის მყიდველთა კლუბი) იქნება.
