სულ ცოტა ხნის წინ ცნობილი გახდა, რომ ქეით უინსლეტი იმ ბრიტანელ მსახიობთა რიცხვს უერთდება, რომლებმაც ომის სახელგანთქმული ჟურნალისტების როლები შეასრულეს.
ჯერჯერობით უსათაურო ფილმი, რომლის გადაღებაც 2018 წელს დაიწყება, ცნობილი ამერიკელი ფოტოგრაფის, არტისტისა და კორესპონდენტის ისტორიას მოგვითხრობს. ლი მილერი ერთ-ერთი წამყვანი ფიგურა იყო იმ ადამიანებს შორის, რომლებმაც ნაცისტურ საკონცენტრაციო ბანაკებში არსებული მდგომარეობა ფირზე აღბეჭდეს და მსოფლიო ყურადღება მიაპყრეს.
ფილმს მილერის ვაჟის, ენტონი პენროუსის წიგნის მიხედვით გადაიღებენ.
