პირველი არხის გადაცემა “კინორუბრიკა” და კინოფესტივალი “თაობა” ერთობლივ პროექტს “სმარტ-ფილმს“ იწყებენ. პროექტში მონაწილეობის მიღება 16-17 წლის ახალგაზრდებს შეეძლებათ.
ფილმის გადაღება თანამედროვე ტექნოლოგიების საშუალებით (მაგ.: მობილურით) შეგეძლებათ. ფილმი (3 წუთამდე) შემდეგ მეილზე უნდა გაიგზავნოს – [email protected]. ჟანრობრივი ან თემატური შეზღუდვა არ არის.
კონკურსის ჟიურის წევრები არიან: თემო კვირკველია – რეჟისორი, გიორგი ურუშაძე – სოციალური მედიის სამსახურის უფროსი, ნინო ქავთარაძე – “თაობა“-ს კრეატიული მიმართულების ხელმძღვანელი, აკო ახალაია – მარკეტერის დამფუძნებელი და ლევან დვალი – “თაობა“-ს გენერალური დირექტორი.
გამარჯვებული გაემგზავრება ჯიფონის კინოფესტივალზე იტალიაში. ფესტივალი ორიენტირებული ახალგაზრდებზეა და ყოველწლიურად სწორედ მათ ნამუშევრებს აფასებს. საკონკურსო ნამუშევრების მიღების ბოლო ვადაა 10 მაისი.
1tv.ge
