უამრავი ადამიანი მოიძებნება, რომელთა დიდი უმრავლესობა დაგეთანხმებათ, რომ უყვართ დისნეის მულტფილმები, ხოლო მათგან უმეტესობა აუცილებლად აღნიშნავს, რომ დისნეი რამე ახალს იშვიათად ქმნის და ძირითადად მისივე ეკრანიზირებული ზღაპრების ე.წ „Remake“-ების შექმნით არის დაკავებული. ხშირად დაობენ იმის თაობაზე, ღირს თუ არა უკვე კლასიკადქცეული და აღიარებული შედევრის ხელახალი გადაღება და ამაზე პოლემიკისას, ჭეშმარიტების დადგენა საკმაოდ რთულია. აი, მაგალითად ავიღოთ „Disney“-ის უახლესი და ყველასათვის საყვარელი „მეფე ლომი“, იგივე გაი რიჩის ალადინი და მულანი პასუხი საკმაოდ კომპლექსური გამოდის, რადგან ზოგს მოსწონს, ზოგს არა, თუმცა სანამ რეიმეიქებზე მაყურებელი დადის და ისინი შთამბეჭდავ თანხებს გამოიმუშავებენ, დისნეი აბსოლუტურად ყველა მის ძველ ზღაპარს განაახელბს.
2019-ში თუ ვინმე დაბრუნდა ხმაურით, ეს რა თქმა უნდა გაი რიჩი იყო (2019+მდე მსახიობს არაერთი ჩავადნა ჰქონდა). დიდი ბრიტანეთი, კლიპის მსგავსი კადრები, გენიალური დიალოგები, შესანიშნავად გაწერილი და ნათელი პერსონაჟები, მარტივი და ამავე დროს ჩახლართული ისტორია, A რანგის სამსახიობო გუნდი და მისი განუმეორებელი სტილი. შეგახსენებთ, რომ ბრიტანელმა რეჟისორმა 2019 წელს დისნეისათვის ალადინი გადაიღო, რომელმაც როგორც კრიტიკოსების, ისე აუდიტორიის საკმაოდ კარიგი შეფასებები მიიღო და ამავე დროს 2019-ის ერთ-ერთ ყველაზე შემოსავლიან ფილმად იქცა, შემდგომ, 2020-ში შემოგვთავაზა განუმეორებელი „The Gentlemen“, ხოლო ახლა რეჟისორი კვლავ დისნეის დაუბრუნდა და კიდევ ერთი თაგვის სახლისათვის ცოცხალი შესრულების რიმეიქის გადაღებას გეგმავს, რომელსაც მაყურებელი Hercules-ის სახელით იცნობს
როგორც უკვე ვახსენეთ, დისნეისა და უკვე რეჟისორად დანიშნულ გაი რიჩის დაგეგმილი აქვთ 1997 წლის შედევრის „Hercules“-ის რიმეიკის შექმნა, რასაც სხვადასხვა სოციალურ ქსელში მომენატალურად დიდი გამოხმაურება მოჰყვა. ფანებმა საყვარელი პერსონაჟების განსასახიერებლად მსახიობების წარდგენა დაიწყეს.ზოგი ფიქრობს, რომ მთავარ გმირს, ჰერაკლეს, საუკეთესოდ განსახიერებს „ბინდის“ ვარსკლავი კელან ლუცი, ხოლო მეგარას როლს კი ფანტასიკურად გაართმევს თავს ზენდაია, „ადამიანი-ობობადან“. თუმცა, ყველა თანხმდება, რომ ყველასათვის საყვარელი პერსონაჟი, ფილი, კვლავ დენი დე ვიტოს უნდა დაეთმოს. ამ უკანასკნელის გამო ონლაინ პეტიციაც კი გაკეთდა, სადაც 30 000 ათასზე მეტმა ადამიანმა მიიღო მონაწილეობა და მხარი დენის დაუჭირა. ახლა კი, წარმოგიდგენთ ფანების მიერ შერჩეულ სხვა მსახიობებს და ვიმედოვნებთ, რომ დისნეის „Hercules“-ის ახალი ვერსია ორიგინალს არაფრით ჩამოუვარდება და არ გაიზიარებს Mulan-ის ბედს.
აქვე აღვნიშნავთ, რომ ფილმის შესახებ სხვა ინფორმაცია ჯერ-ჯერობით უცნობია.
Zeus – Jude Law
Hera – Laura Dern
Hades – Jason Mantzoukas
Phil – Danny DeVito
Meg – May Calamawy
Hercules – Austin Butler
