სანამ იქნებოდა სერიალი “გვირგვინი”, მაყურებლების გულები სხვა საპნის ოპერას ჰქონდა დაპყრობილი და ეს ყველაფერი 6 სეზონის განმავლობაში გრძელდებოდა. საუბარია “დაუნტონის სააბატოზე”, რომელიც 2016 წლის შემდეგ ეკრანებზე აღარ გამოჩენილა. მიუხედავად ამისა, სატელევიზიო შოუს ფანებისათვის სასიხარულო ამბავი გავრცელდა – მიშელ დოკერიმ თავისი ინსტაგრამის გვერდზე გამოაქვეყნა პოსტი, საიდანაც ვიგებთ, რომ მალე “დაუნტონს“ ფილმის სახით ვიხილავთ.
ამ ტენდენციას არც ჰიუ ბონევილი ჩამორჩა და გადაღებების დაწყება მანაც ინსტაგრამის საშუალებით გვაუწყა.
მსახიობებს სოციალური საფეხურები, როგორც ჩანს, რეალურ ცხოვრებაში დაბრკოლებას სულაც არ უქმნის და ისინი გადასაღებ მოედანზე დროს მშვენივრად ატარებენ.
ასევე საინტერესოა, რომ მეთიუ გუდი, რომელიც ასევე სერიალ “გვირგვინში” ვიხილეთ, ფილმის ბოლოს “დაუნტონშიც” გამოჩნდება, როგორც ერთ-ერთი პერსონაჟის მეუღლე.
ჩვენ მხოლოდ ის დაგვრჩენია დაველოდოთ ფილმის გამოსვლას და ვიმედოვნებდეთ, რომ ეს უკანასკნელი მოლოდინებს გაამართლებს.
