ონლაინ გამოცემა USA Today-მ Lucasfilm-ის ექსკლუზიური ვიდეო გამოაქვეყნა ვარსკვლავური ომების მე-8 ეპიზოდის — “უკანასკნელი ჯედაის” გადასაღები მოედნიდან , რომელზეც ასახულია რეჟისორ რაიან ჯონსონის მუშაობა და მოკლე ინტერვიუები მთავარი როლების შემსრულებლებთან: დეიზი რიდლისთან (რეი), ჯონ ბოიეგასთან (ფინი), მარკ ჰემილთან (ლიუკ სკაიუოქერი) და ქერი ფიშერთან (პრინცესა, ან, გნებავთ, გენერალი ლეა).
ვიდეოში რეჟისორი ჩუბაკასაც აძლევს მითითებებს, მსახიობები კი თავად რაიან ჯონსონის მიმართ არ იშურებენ კომპლიმენტებს. მათ შორის, ქერი ფიშერი, რომელიც თბილად საუბრობს ჯონსონზე. ახალი თრეილერის შემდეგ, ფანებს კიდევ ერთხელ მიეცათ საყვარელი მსახიობის ცოცხლად ნახვის შესაძლებლობა.
ფილმში ერთ-ერთი მთაავრი ადგილი დაეთმობა კაილო რენის (ადამ დრაივერი) ისტორიას და მის ურთიერთობას მშობლებთან, ასევე ლიუკ სკაიუოქერის მიერ რეისთვის ჯედაის ხელოვნების სწავლებას.
რაიან ჯონსონი დარწმუნებულია, რომ ვარსკვლავური ომების მე-8 ეპიზოდი საუკეთესო იქნება და ახალი ფილმი ღირსეულ ადგილს დაიკავებს ყველასთვის საყვარელი სამყაროს ისტორიაში
