Venom-ის ფილმზე კომიქსების მოყვარულები დიდი ხანის განმავლობაში ოცნებობდნენ და მათი ნატვრა 2018 წლის 5 ოქტომბერს ახდა, როდესაც Marvel-მა და Sony-იმ რუბენ ფლიაიშერის რეჟისურითა და ტომ ჰარდის მონაწილეობით შესანიშნავი ბლოკბასტერი შექმნეს.
პირველი ნაწილის თრეილერი:
ფილმის გამოსვლისა და კინოგაქირავებაში დიდი წარმატების მიღწევის შემდგომ, კინოფრანჩიზის მომდევნო ფილმის გადაღება გარდაუვალი გახდა. ძირითადი აქცენტი„Venom 2“-ის ახალ სურათში მარველის ერთ-ერთ ყველაზე ცნობად, სასტიკ და ცივსისხლიან ბოროტმოქმედზე, „Carnage“-ზე გაკეთდება. დიდ ეკრანზე მეწამული სიმბიოტის გამოჩენენა მაყურებელს ნერწყვს ადენდს, თუმცა ბევრი არაფერია ცნობილი ამ პერსონაჟის შესახებ, თუ რა ფორმით წარდგება იგი ახალ სურათში და რა ფორმით შეერკინება ჩვენს ანტიგმირს. ერთი რამ, რაც დარწმუნებით ვიცით გასული ფილმის ტიტრებს შემდგომი კადრიდან, არის ის, რომ „Carnage“-ს ვუდი ჰარილსონი განასახიერებს.
აქვე აღსანიშნავია, რომ პირველი ფილმის რეჟისორი რუბენ ფლიაიჩერი არ დაუბრუნდება თავის სავარძელს, რადგან სონის სხვა კინოპროექტით – „Zombieland: Double Tap“-ით იყო დაკავებული. მის ადგილს ენდი სერკისი დაიკავებს, რომელიც შეგახსენებთ და გეტყვით, რომ ბეჭდების მბრძანებლის ტრილოგიაში სმეგოლის როლს ასრულებდა, ასევე ცეზარს (მაიმუნების პლანეტის ფრანჩიზაში) და კიდევ სხვა მრავალი როლით არის ცნობილი.
ახლა კი დავუბრუნდეთ ედი ბროკისა და მისი შავი სიმბიოტის მოწინააღმდეგეს და წარმოგიდგენთ ახალ თიზერს, რომელიც ტომ ჰარდიმ გაავრცელა.
როგორც უკვე აღვნიშნეთ, თიზერში ნათლად ჩანს, რომ კინოფრანჩიზის მეორე ფილმის ძირითადი აქცენტი ბოროტმოქმედზე იქნება გაკეთებული. ისიც საკმარისია, რომ ფილმის სათაურიც კი ბოროტმოქმედს ეძღვნება და არა ჩვენს ანტიგმირს, ვენომს. იმის გათვალისწინებით, რომ ბოროტმოქმედს ესეთ დიდი როლს უთმობენ სათაურშიც კი, ვუდი ჰარილსონისა და მისი მეწამული სიმბიოტის ურთიერთობები სავარაუდოდ წინ იქნება წამოწეული, მათი სურვილები და სისხლის წყურვილი.
ვენომ 2-ის პრემიერა 2020 წელს უნდა შემდგარიყო, მაგრამ იმის გათვალისწინებით, თუ რა ხდება დღეს სამყაროში და რამხელა დარტყმა მიადგა ზოგადად კინოინდუსტრიას ამ თვეების განმავლობაში, კინოფრანჩიზის მეორე ნაწილის პირველი ჩვენება 2021 წლის 25 ივნისს გადაიტანეს.
