ყველა მსახიობი ვისაც ჯოკერი უთამაშია

მიმდინარი წლის ოქტომბერში “DC”-ის კომიქსების მთავარი ბოროტმოქმედის ჯოკერის შესახებ ფილმი გამოვა. ბეტმენის მტრის როლს ამჯერად ხოაკინ ფენიქსი შეასრულებს, თრეილერით თუ ვიმსჯელებთ წინ ბრწყინვალე პერფომანსი და ახალი საკულტო ჯოკერი გველოდება.

თვალი გადავავლოთ იმ ადამიანებს, რომელთაც გოთემის კრიმინალური მეფის განსახიერების პატივი ერგოთ.

ცეზარ რომერო

კომიქსიდან ეკრანზე ჯოკერმა პირველად 1966 წელს გადაინაცვლა, მისი როლი ვეტერანმა მსახიობმა და მოცეკვავემ ცეზარ რომერომ შეასრულა. თავად მსახიობი როლს ასე იხსენებდა:

რთული არაფერი იყო. კოსტიუმსა და მაკიაჟს განწყობა თავად მოჰქონდა.

ჯეკ ნიკოლსონი

ოსკაროსანმა მძიმეწონოსანმა ჯოკერის როლი 1989 წელს, ტიმ ბარტონის ბეტმენში შეასრულა. წლების განმავლობაში ნიკოლსონი ერთპიროვნულად საუკეთესო ჯოკერის სტატუსს ინარჩუნებდა.

მარკ ჰამილი

ვარსკვლავური ომების ლეგენდას, ლუკ სკაიუოკერის როლის შემსრულებლის მარკ ჰამილის ანგარიშზე კიდევ ერთი საკულტო როლია. 1992 წლიდან 2011 წლის ჩათვლის იგი “DC”-ის ანიმაციური სამყაროს ჯოკერს ახმოვანებდა, ხანმოკლე პაუზის შემდეგ ჰამილმა 2016 წელს კიდევ ერთხელ მოირგო მასხარას გრიმი, კინოს ისტორიაში იგი ყველაზე “სტაჟიანი” ჯოკერია

კევინ მაიკლ რიჩარდსონი

ვეტერან გამხმოვანებელს 1992 წლიდან მოყოლებული “DC”-ის არაერთი პერსონაჟი, მათ შორის ლექს ლუთორი ჰყავს გახმოვანებული. 2004 წელს გამოსულ ანიმაციურ სერიალში კევინ მაიკლ რიჩარდსონმა ჯოკერის როლი შეასრულა.

ჯეფ ბენეტი

ბეტმენი: მამაცი და შეუპოვარი “DC”-ის ყველაზე განსხვავებული ანიმაციური ეკრანიზაციაა, საინტერესოა რომ 2008 წელს გამოსული სერიალი 60-იანი წლების მულტიპლიკაციურ სტილშია გადაწყვეტილი. სამი სეზონის განმავლობაში ჯოკერს მსახიობი ჯეფ ბენეტი ახმოვანებდა.

ჰიტ ლეჯერი

2008 წელს ჰიტ ლეჯერმა თვით ჯეკ ნიკოლსონს აჯობა და ყველა დროის საუკეთესო ჯოკერი გვაჩუქა. სწორედ მის პერფომანსთან გაჯიბრება მოუწევს ხოაკინ ფენიქსს. ფილმის პრემიერამდე ტრაგიკულად გარდაცვლილმა მსახიობმა შესრულებული როლისთვის ოქროს გლობუსი, BAFTA და ოსკარი მიიღო.

ჯონ დიმაჯიო

ჯონ დიმაჯიო ერთ-ერთი ყველაზე ცნობილი გამხმოვანებელი მსახიობია, მისი ხმით საუბრობს ბენდერი ფუტურამადან. 2010 წელს დიმაჯიომ “Warner Brothers”-ის ანიმაციაში ბეტმენი. წითელი ნიღბის ქვეშ ჯოკერი გაახმოვანა.

ბრენტ სპინერი

ახალგაზრდა სამართლიანობის ლიგა “Cartoon Network”-ის ანიმაციური სერიალი იყო, რომელშიც გოთემის სუპერგმირებისა და ბოროტმოქმედების ახალგაზრდობის წლებია ნაჩვენები. მიუხედავად ფანების ჭარბი რაოდენობისა ტელეშოუ, რომელშიც ჯოკერის როლი ბრენტ სპინერმა შეასრულა ორი სეზონის შემდეგ დაიხურა.