ჩვენი მკითხველი ყოველთვის ეცნობა საინტერესო სიახლეებსა თუ ისტორიებს მათი საყვარელი შოუების შესახებ. ტრადიციას არც ამჯერად დავარღვევთ და შემოგთავაზებთ 10 აქამდე უცნობ ფაქტს ძალიან პოპულარული სერიალებიდან:
1. მეგობრები
იყო შანსი, რომ ჯენიფერ ენისტონს რეიჩელის როლი ვერ შეესრულებინა, რადგან იმავდროულად ის სხვა სერიალის საპილოტე ეპიზოდშიც მონაწილეობდა. ასე რომ, როდესაც მსახიობებს ფოტოებს უღებდნენ, ჯენის სთხოვეს რამდენიმე კადრიდან გასულიყო იმ შემთხვევისთვის, თუ ის მეგობრებში მონაწილეობას აღარ გააგრძელებდა.
2. ოფისი
ფილის სმიტი, იგივე ფილის ვენსის როლის შემსრულებელი, სინამდვილეში კასტინგის მენეჯერის ასისტენტი იყო, რომელსაც მსახიობებთან ერთად სცენარის კითხვა ევალებოდა და ეს იმდენად კარგად გამოსდიოდა, რომ პროდიუსერებმა გადაწყვიტეს, მისთვის როლი შეეთავაზებინათ.
3. საიდუმლო მასალები
იმისთვის, რომ ჯილიან ანდერსონსა და დევიდ დუხოვნის სიმაღლეებს შორის საკმაოდ შესამჩნევი სხვაობა დაებალანსებინათ, გადაღებების პროცესში ჯილიანს ხშირად ყუთზე დგომა უწევდა.
4. სექსი დიდ ქალაქში
თუ კარგად დააკვირდებით, შეამჩნევთ, რომ შოუს გამხსნელ სცენაში შეცდომაა – ავტობუსი, რომელიც ქერის გაწუწავს, მგზავრებით არის სავსე, მომდევნო კადრში კი ის სრულიად ცარიელია.
5. შვილებით დაქორწინებულები და ამერიკული ოჯახი
ედ ონილის პერსონაჟი ორივე შოუში ერთსა და იმავე გაზეთს კითხულობს.
6. პარკები და დასვენების ზონები
კრის პრატი შოუს რეგულარულ მსახიობად სულაც არ მოიაზრებოდა, თუმცა მან დაკისრებულ მოვალეობას თავი იმდენად კარგად გაართვა, რომ პროდიუსერებმა მისი დატოვება გადაწყვიტეს.
7. დასავლეთის ფრთა
ყველაზე გრძელი სიარულისა და საუბრის სცენა შოუში სამი წუთის მანძილზე გრძელდება, მის გადაღებას კი ნახევარი ღამე და 500-მდე ეპიზოდური როლის შემსრულებელი მსახიობი დასჭირდა.
8. ფილადელფიაში მუდამ მზეა
რობ მაკკელენი და კეიტლინ ოლსონი მართლაც ფლობენ ბარს ფილადელფიაში სახელწოდებით “მაკის ტავერნა”.
9. გილმორის გოგოები
ქალაქის მკვიდრთა შეკრების სცენების გადაღებას, როგორც წესი, თითქმის 20 საათს ანდომებდნენ, რადგან სურდათ, რომ კამერას თითოეულის რეაქცია დაეფიქსირებინა. ამ დროს გადასაღებ მოედანზე ხშირად ერთობოდნენ ხოლმე სხვადასხვა თამაშით, იმისთვის, რომ დრო გაეყვანათ.
10. როგორ შევხვდი დედათქვენს
ლინდსი ფონსეკას და დევიდ ჰენრის, ანუ ტედის შვილების ყველა სცენა პირველივე სეზონის დროს გადაიღეს, თუმცა მათ მომდევნო 9 წლის მანძილზე უწევდათ იმ საიდუმლოს შენახვა, რასაც პოპულარული შოუს სცენარი მალავდა.
