ჰოლივუდის ვარსკვლავების პირადი ცხოვრება და ოჯახები მუდმივად მილიონობით ადამიანის ყურადღების ცენტრშია მოქცეული. ბევრი ცნობილი ადამიანი ბედნიერად ცხოვრობს თავისი ცხოვრების თანამგზავრსა და მეორე ნახევართან, მათი გარკვეული ნაწილი ჯერჯერობით ისევ ძიების პროცესშია. ან სულაც, არც ეძებს. გაგიკვირდებათ, მაგრამ მსახიობები, რომლებსაც ჩვენს დღევანდელ სტატიაში იხილავთ, ამჟამად მარტოხელები არიან
1. ანჯელინა ჯოლი
მსახიობი, რეჟისორი, უფლებადამცველი, ექვსი შვილის დედა და მსოფლიოს ერთ-ერთი ულამაზესი და გასაოცარი ქალი ანჯელინა ჯოლი, მას შემდეგ, რაც 2017 წელს ბრედ პიტს დაშორდა, მარტოხელაა. ბრედამდე ენჯი ორჯერ იყო დაქორწინებული: ბილი ბობ ტორნტონსა და ჯონი ლი მილერზე.
2. ჯეიკ ჯილენჰოლი
ტეილორ სვიფტთან ხმაურიანი დაშორების შემდეგ ჯილენჰოლი თავის პირად ურთიერთობებს არ ასაჯაროებდა. სვიფტამდე მსახიობი კირსტენ დანსტს და რიზ უიზერსპუნს ხვდებოდა, თუმცა 2013 წლიდან ის მარტოხელა გახლავთ.
3. ემა უოტსონი
ჰარი პოტერის სერიით სახელგანთქმული, თავისი პერსონაჟივით გონიერი და ულამაზესი ემა თავის პირად ურთიერთობებს არასდროს ასაჯაროებს, თუმცა 2017 წელს ის ბოიფრენდს, უილიამ “მაკ” ნაიტს დაშორდა და მას შემდეგ მარტოა. ის აქტიურადაა ჩართული როგორც სამსახიობო, ასევე ქალთა უფლებების დაცვისა და სხვა საკითხებში, რომლებზეც გაეროს კეთილი ნების ელჩის სახელით მუშაობს.
4. ზაკ ეფრონი
ზაკ ეფრონის ბოლო ცნობილი გელრფრენდი ალექს დადარიო იყო, რომელსაც მსახიობი 2017 წელს ხვდებოდა. მას შემდეგ საშინელი არტისტის და დიდი შოუმენის ვარსკვლავი ოფიციალურ ურთიერთობაში არაა და ოფიციალურად მარტოხელად ითვლება.
5. შარლიზ თერონი
ოსკაროსანი მსახიობი, დიორის სახე და ორი შვილის დედა, უმშვენიერესი შარლიზ თერონი მას შემდეგ, რაც 2015 წელს შონ პენს დაშორდა, მარტოხელაა. მისი თქმით, მარტოხელა დედის სტატუსმა თავისებური გავლენა მოახდინა მის დამოკიდებულებაზე რომანტიკული ურთიერთობების მიმართ. თუმცა იგი ოჯახურ სიმყუდროვესა და ბედნიერებაზე ოცნებობს
6. ჯენიფერ ენისტონი
ჯენიფერ ენისტონის რომანტიკული ურთიერთობები მედიის ყურადღების ცენტრში განსაკუთრებით მას შემდეგ მოექცა, რაც 2000 წელს ბრედ პიტს გაშორდა. მათი განქორწინების შემდეგ პიტმა რომანი გააბა ანჯელინა ჯოლისთან, რის გამოც მედია “საწყალ ჯენის” იცოდებდა. ცოტა ხნის წინ ჯენიფერი თავის მომდევნო მეუღლეს, ჯასტინ ტერუს დაშორდა და ამჟამად ის მარტოხელაა.
7. ბრედ პიტი
არც ისე დიდი ხანია გასული მას შემდეგ, რაც ბრანჯელინა დაიშალა და ანჯელინა ჯოლი და ბრედ პიტი მარტოდ დარჩნენ. ანჯელინაზე დაქორწინებამდე 5 წლით ადრე ბრედი 10 წელი იმყოფებოდა ჯენიფერ ენისტონთან ქორწინებაში. მარტოხელად დარჩენის შემდეგ ბრედმა გადაწყვიტა, ჯანმრთელობისთვის მიექცია ყურადღება, შეეწყვიტა სმა და მთლიანად სამუშაოზე გადართულიყო.
8. ჯენიფერ ლოურენსი
ჯენიფერს ბოლოს სერიოზული ურთიერთობა რეჟისორ დარენ არანოვსკისთან ჰქონდა, მასთან დაშორების შემდეგ კი მარტოა. მანამდე ის იქს-ადამიანების ვარსკვლავ ნიკოლას ჰოულტს ხვდებოდა. თანამედროვე ჰოლივუდის ერთ-ერთი ყველაზე მომხიბვლელი და ხალისიანი ვარსკვლავი სერიოზული ურთიერთობების გაბმას არ ჩქარობს.
9. ჯენიფერ გარნერი
ჯენიფერ გარნერს თავის მეორე ქმართან, ბენ აფლეკთან (რომელთანაც სამი შვილი ჰყავს) დაშორების შემდეგ (2015) სერიოზულ ურთიერთობა არავისთან გაუბამს. მას უთქვამს, რომ რომანტიკა მშვენიერია, თუმცა ამჟამად ურჩევნია ენერგია საკუთარ თავზე ზრუნვას დაუთმოს.
10. ტომ კრუზი
ტომ კრუზი მესამე ცოლს, ქეთი ჰოლმსს 2012 წელს დაშორდა და მას შემდეგ მარტოა. ის უკვე 56 წლისაა, მაგრამკინოში ჯერ კიდევ დამოუკიდებლად ასრულებს რთულ ტრიუკებს და ჩვეულისამებრ, დიდი გულმოდგინებით უდგება საკუთარ პროფესიას.
11. მაიკლ ბ. ჯორდანი
მაიკლ ბ. ჯორდანი არამხოლოდ მსახიობი, არამედ სხვა მრავალი ნიჭით დაჯილდოებული ადამიანია. ის შესანიშნავად თამაშობს კალათბურთს, ცეკვავს სტეპს, უყვარს მშობლები და უთოობა! ის თავის თავს “მექალთანე, თუმცა მარტოხელა” ტიპად მოიხსენიებს, მიუხედავად იმისა, რომ თავის კოლეგასთან, ლუპიტა ნიონგოსთან რომანს მიაწერდნენ.
12. ლუპიტა ნიონგო
ჰოლივუდის ერთ-ერთი ულამაზეს და მრავალმხრივ ნიჭიერ მსახიობს რეპერ კ’ნაანთან დაშორების შემდეგ (2015) სერიოზული ურთიერთობა არავისთან ჰქონია. მსახიობს დიზაინერ მობოლაი დავოდუსა და შავ პანტერაში მის კოლეგა მაიკლ ბ. ჯორდანთან რომანს მიაწერდნენ, თუმცა ლუპიტამ Vogue-თან ინტერვიუში ხაზგასმით აღნიშნა, რომ არ აპირებს პირად ცხოვრებაზე ღიად საუბარს.
13. ალექსანდრ სკარშგორდი
შვედი მსახიობი ჰოლივუდში გამოჩენის შემდეგ მედიის განსაკუთრებული ყურადღების ცენტრში მოექცა, რადგან ყველას აინტერესებს ამ სიმპათიური მამაკაცის რომანები. მისი თაყვანისმცემლების გასახარად გეტყვით, რომ ალექსანდერი მარტოხელაა. 2017 წელს ის თავის ჯერჯერობით ბოლო პარტნიორს ალექსა ჩანგს დაშორდა და მას შემდეგ რომანტიკულ ურთიერთობაში არავისთან შეუნიშნავთ. შეიძლება ეს იმის ბრალიც იყოს, რომ მსახიობი მამის რჩევას მიჰყვება და საკუთარ ცხოვრებას, მით უმეტეს პირადულს, სოციალურ ქსელებში არ ამზეურებს, მაგრამ ამჟამინდელი ოფიციალური მონაცემებით, ალექსანდრ სკარშგორდი ჰოლივუდის ერთ-ერთი ყველაზე მიმზიდველი სასიძოა.
