“ნეტფლიქსი” ღირსეულ კონკურენციას უწევს მსხვილ კინოსტუდიებს. ამჯერად ის სტუდია SKYDANCE-თან ერთად ახალ მასშტაბურ პროექტ Six Underground-ს გვიანონსებს. ამ უკანასკნელის რეჟისორი “ტრასფორმერების” რეჟისორი მაიკლ ბეი იქნება, მთავარ როლს კი რაიან რეინოლდსი მოირგებს.
ახალი პროექტის სიუჟეტი ჯერ-ჯერობით გასაიდუმლოებულია. ცნობილი მხოლოდ ის არის, რომ სცენარზე “ზომბილენდის”, “დედპულის” და “დედპული 2”-ის შემქმნელი პეტ რიზი და პოლ ვერნიკი იმუშავებენ.
Six Underground “ნეტფლიქსის” ყველაზე ძვირადღირებული პროექტი იქნება და მისი ბიუჯეტი 150 მილიონ ამერიკულ დოლარს შეადგენს.
დასასრულისთვის გეტყვით, რომ მეიკლ ბეი პარალელურ რეჟიმში ფილმ “რობოკალიფსზე” იმუშავებს, რომლის გადაღებაც სტივენ სპილბერგმა ჯერ კიდევ ვერ შეძლო.
