ჩვენ ხშირად გვისაუბრია არასაბავშვო, დიდურ მომენტებზე ბავშვებისთვის განკუთვნილ ანიმაციებსა და ფილმებში, თუმცა მათზე გაცილებით მეტია ის სცენები და მომენტები, რომლებიც დიდების ცენზურას ვერ უძლებს და მათ მონტაჟისას ჭრიან ფილმიდან. ძალადობრივი, ორაზროვანი შინაარსის შემცველი და მეტისმეტად პირქუში მომენტები – ეს იმ მახასიათებლების არასრული ჩამონათვალია, რომელთა გამოც სცენები მონტაჟს ეწირება და საბოლოო პროდუქტში ვერ ხვდება.
დღეს სწორედ იმ “არაბავშვურ” სცენებსა და მომენტებს წარმოგიდგენთ, რომლებიც ბავშვებისთვის განკუთვნილი ფილმებისან სწორედ აღნიშნული მიზეზების გამო ამოჭრეს.
1. შან იუს მიერ მთელი სოფლის ამოჟლეტა მულანში
ფილმში ჩვენ ჰუნების შემოსევას ვხედავთ, მაგრამ ის სცენა, სადაც შან იუ მთელ სოფელს ანადგურებს და თავის ერთ-ერთ სარდალსაც კი კლავს, მართლაც მეტისმეტად მძიმე იყო.
2. სათამაშოების ისტორიაში ვუდი მართლა აგდებდა ბაზს ფანჯრიდან და საერთოდ, მთელი ფილმის განმავლობაში ნამდვილი ნაძირალასავით იქცეოდა.
დიახ, სწორედ ასე იყო თავდაპირველი სიუჟეტის მიხედვით – ვუდი სულაც არ იყო ყველასთვის საყვარელი თოინა კოვბოი – ის ბაზს თავს ესხმოდა და არც სლინკის ექცეოდა კარგად.
3. ი.თი. (უცხოპლანეტელი) ელიოტის მძინარე დედას დაადგება თავზე
ამ საკმაოდ უცნაურ სცენას მზის სინათლე არასდროს უხილავს. დააკვირდით: გარდა იმისა, რომ საკმაოდ შიშისმომგვრელი კადრია, ელიოტის დედა შიშველი წევს ლოგინში.
4. პეგის წამება კომედიაში ნიღაბი
ეკრანებზე გამოსულ ვერსიაში პეგი უგზო-უკვლოდ უჩინარდება, მაგრამ აი, ამ ამოჭრილ სცენაში ჩანს, თუ რა დაემართა საბრალო გოგოს.
5. სტიჩი კინაღამ კლავს თევზ პუჯს
სტუდია დისნეი ნამდვილად გონივრულად მოიქცა, როცა ფილმიდან ამოჭრა სცენა, რომელშიც ლილოს და პუჯს თოლიები ესხმიან თავს, სტიჩი კი სიცილით უყურებს მათ. გარდა ამისა, ლილო თავის ცხოველს მშობლების სასაფლაოზე მარხავს, რაც ასევე მეტისმეტად პირქუშად და მძიმედ მიიჩნიეს საბავშვო ფილმისთვის.
6. ადამიანი-უნიტაზი მზეთუნახავსა და ურჩხულში
მას შემდეგ, რაც ურჩხულს და მის სასახლეს წყევლა ეხსნება, ტრავმირებული მუსიე უნიტაზი ლეფოუს ეუბნება, რომ პირველი, რასაც გააკეთებს, კბილების გახეხვაა – წარმოიდგინეთ, რა საშინელებას ამბობს?!
7. ჯეპეტო თავის საყვარელ თევზ კლიოს კინაღამ ჭამს
პინოქიოსა და ჯეპეტოს საყვარელ თევზს, საბრალო კლიოს კინაღამ ეს ბედი არგუნეს, მაგრამ შემდეგ დისნეიში გააცნობიერეს, რომ საყვარელი ცხოველის შეჭმა მეტისმეტია.
8. ელზა ვილანის როლში შედის და მცველებს აწამებს
ერთ ამოჭრილ სცენაში ყველას ფავორიტი თოვლის დედოფალი საშინლად იქცევა და თავის ჯადოსნურ ძალებს ორი მცველის საწამებლად იყენებს.
9. სკარი ნალას აძალებს, მასზე დაქორწინდეს
ამ სცენაში სკარი ნალას არწმუნებს, რომ ის მისი დედოფალი უნდა იყოს. “იცი, არჩევანი არ გაქვს, მე კი ყოველთვის იმას ვიღებ, რაც მინდა.” – ამბობს სკარი, ამ ფრაზას კი წინ უძღვის სიმღერა “Be Prepared” (“მოემზადე”).
10. ღორის თავი ფილმში ვის უნდოდა კურდღელი როჯერის დაღუპვა
ედის უზარმაზარი ღორის თავის ნახატი აქვს, რომელიც თავიდან საკმაოდ უწყინარად გამოიყურება, მაგრამ შხაპში მისი ჩამორეცხვის შემდეგ ის ჰორორ ფილმის პერსონაჟს ემსგავსება, რაც საბავშვო ფილმისთვის მეტისმეტად საშიშია.
11. “მოთვინიერების ცერემონიალი” ზოოტოპიაში
ამ ამოჭრილ სცენაში ცხოველები სპეციალურ ცერემონიალზე იკრიბებიან და საზეიმო ვითარებაში იღებენ საყელოებს, რომლებიც მათ ყელზე მოუჭერს, როცა “ველურად” მოიქცევიან. სოციალური პრობლემატიკა მთელ ფილმს გასდევს, მაგრამ ეს მეტისმეტი იყო.
12. ბემბის დედის სიკვდილი
ბემბი დისნეის ერთ-ერთი ყველაზე სევდიანი მულტფილმია, მაგრამ თავდაპირველი ვერსია გაცილებით გულისმომკვლელი იყო, რადგან მთელი ბრუტალურობით აჩვენებდნენ ბემბის დედის სიკვდილს. საბედნიეროს, სცენა ძალადობრივად და სტრესულად მიიჩნიეს და ამოიღეს.
13. ბიძა კევინს (მარტო სახლში) შარვალს უწევს
ეს სცენა არც პირქუშია და არც საშიში, მაგრამ უხერხული ნამდვილად არის, ამიტომ არ გვიკვირს, რომ ამოჭრეს.
