შერლოკის ვარსკვლავი ბენედიქტ კამბერბეტჩი ერთ-ერთი გამორჩეული მსახიობია, რომელსაც მილიონობით თაყვანისმცემელი ჰყავს. თუმცა, ვფიქრობთ, ძალიან ცოტამ თუ იცის მის შესახებ ის ფაქტები, რომლებსაც ქვევით გაგაცნობთ.
როგორც აღმოჩნდა, ბენედიქტის ცხოვრება მრავალფეროვნებით თავის ცნობილ პერსონაჟს სულაც არ ჩამოუვარდება. არ გჯერათ? ამაში მალევე დაგვეთანხმებით:
1. 2005 წელს მსახიობი სამხრეთ აფრიკაში იმყოფებოდა, სადაც გაურკვეველმა პირებმა იარაღის მუქარით გაიტაცეს, მანქანაში დააბეს და უკაცრიელ ადგილას წაიყვანეს. შემდეგ კი ყოველგვარი ახსნა-განმარტების გარეშე გამოუშვეს უკან.
ვფიქრობთ, ეს ფაქტი უკვე საკმარისია ჩვენი დებულების დასამტკიცებლად, თუმცა გავაგრძელოთ…
2. მან ერთი წელი გაატარა ტიბეტელ ბერებთან ერთად, სადაც ინგლისურს ასწავლიდა, თავად კი ბუდიზმს ეცნობოდა.
3. მისი საყვარელი ფილმი მოჩვენებებზე მონადირეებია.
4. ბენედიქტი პაპარაცებს მაინცდამაინც არ წყალობს – ერთხელ ის სახლიდან ტრაფარეტით გამოვიდა, რომელზეც ეწერა “წადით ეგვიპტეში ფოტოების გადასაღებად და აჩვენეთ ხალხს რაიმე მნიშვნელოვანი!”
5. ის მიიჩნევს, რომ ძალიან ჰგავს სიდს ანიმაციური ფილმიდან დიდი გამყინვარება.
ვფიქრობთ, რთულია, არ დაეთანხმო…
6. გარდა ამისა, ბენედიქტს მიაჩნია, რომ მისი სახელი აბაზანაში გაშვებული გაზებივით ჟღერს.
ჰმმ, ამაზე კომენტარის გაკეთება ნამდვილად გაგვიჭირდება.
7. 2013 წელს მსახიობმა თავისი გეი მეგობრების ქორწილში ქორწინების რეგისტრატორის ფუნქცია შეასრულა, რომელიც მას ოფიციალურად მიენიჭა.
8. ის გატაცებულია ექსტრემალური სპორტით და თავისუფალ დროს პარაშუტით ხტომას, თხილამურებით სრიალსა და მოტოციკლეტით ჩქარა სიარულს უთმობს.
9. წარსულში ბენედიქტი ხელოვნების სკოლაში სწავლობდა და შესანიშნავად ხატავდა. მას შემდეგ, რაც ცნობილი მსახიობი გახდა, საკუთარი ნახატების გარკვეული ნაწილი საქველმოქმედო აუქციონებს გადასცა.
10. მან კინაღამ უარი განაცხადა შერლოკის როლის შესრულებაზე, რადგან შიშობდა, რომ მისი რიმეიქი “იაფფასიანი და უხარისხო” გამოვიდოდა.
მოხარულები ვართ, რომ მოგვაინებით ბენედიქტმა აზრი შეიცვალა, რადგან სხვანაირი შერლოკი ვერც კი წარმოგვიდგენია!
