ნათელი გონების მარადიული ბრწყინვალება, მთავარ როლში ჯიმ ქერითა და ქეით უინსლეტით, მარადიულ თემას – სიყვარულს ეძღვნება. მიშელ გონდრის მშვენიერი ფილმი დაწვრილებით აღწერს, თუ რა ფაზებს გავდივართ, სანამ აღმოვაჩენთ, რომ მეორე პიროვნება ნამდვილად გვიყვარს. შეიძლება ითქვას, ეს ფილმი სიყვარულის გზამკვლევია და შესაბამისად, მასში ბევრი ჭკვიანური ფრაზა გაისმის, რომელიც სიყვარულზე, ურთიერთობაზე და ცხოვრებაზე ჩაგვაფიქრებს.
ერთად გავეცნოთ ამ დაუვიწყარ ციტატებს.
1. “რა სამწუხაროა დიდი დრო გაატარო ადამიანთან და უცებ აღმოაჩინო, რომ ის უცხოა.”
2. “ურთიერთობისთვის დაუსრულებელი ლაპარაკი სულაც არაა საჭირო.”
3. “ზოგჯერ ვფიქრობ, რომ ადამიანებს არ ესმით, რა მარტოსული ხარ ბავშვობისას… თითქოს არ არსებობ…”
4. “შენ შეგიძლია გრძნობები გონებიდან ამოშალო. გულიდან მათი ამოღება კი სხვა ამბავია.”
5. “ნეტავ ის, რაც შენგან დამრჩება, ჩემგანაც თუ დაგრჩება შენ…”
6. “ყველანი მარტო ვართ და გვჭირდება ვიღაც, ვინც ყურადღებას მოგვაქცევს და გვეტყვის, რომ მშვენიერები ვართ.”
7. “რატომ მიყვარდება ყველა ქალი, ვინც თუნდაც სულ მცირე ყურადღებას მომაქცევს?”
8. “უყურებ ბავშვს და ის ისეთი წმინდაა, თავისუფალი და სუფთა… დიდები სევდის ერთ დიდ ქაოსს წარმოადგენენ.”
9. “ქვიშაზე გადაჭარბებული წარმოდგენა აქვთ. ის უბრალოდ პაწაწინა ქვებია.”
10. “შენ გარეშე არაფრის გახსენება არ შემიძლია…”
