ჩვენს პორტალზე არაერთხელ გვქონია დისკუსია ამა თუ იმ კინოსამყაროს უცნაური ფაქტების, ე.წ „Easter Egg“-ების შესახებ, რომლებიც საკმაოდ გონივრულად და საინტერესოდ ახერხებენ სხვადასხვა ფაქტებზე მითითებასა და ამასთანავე პარალელების გავლებას. ჩვენ არაერთხელ განვიხილეთ „დისნეი“ და “მარველი“, „DC“ და მისი ბნელი სამყარო, „ვარსკვლავური ომები“ და „ვარსკვლავური გზა“. შესაბამისად, ჩვენ მივეჩვიეთ საინტერესო ფაქტების ზემოხსენებულ ბლოკბასტერებში ზედაპირულად ძიებას და დაგვავიწყდა, რომ არაფრით დაკავშირებულ ფილმებში შესაძლოა აღმოვაჩინოთ ბევრად გონივრულად დამალული კინოფაქტები. სურათებში „Easter Egg“-ების მოთავსების მიზეზი ბევრია, მაგალითად ამა თუ იმ ფილმის რეჟისორი შესაძლოა სხვა მისი კოლეგის ნამუშევრის ფანი იყოს, ან მსახიობი მის სხვა ფილმში განსახიერებული კინოგმირის რეპლიკას იმეორებდეს. ასევე, ხშირად ისეც ხდება, რომ ფილმის გადაღების მომენტში ესა თუ ის სცენა, ან/და რაიმე მოქმედება საერთოდ არ არის დაგეგმილი, თუმცა საბოლოო პროდუქტში მაინც ხვდება. შესაბამისად ამჯერად გადავწყვიტეთ შემოგთავაზოთ საინტერესო ფაქტები დისნეის ბოროტმოქმედების შესახებ, რომელთა შესახებ შესაძლოა არ იცოდეთ:
1.„პატარა ქალთევზაში“ ურსულა ბოროტი ზღვის ჯადოქარია, რომელიც არიელს საქმეების გართულებაშია პასუხისმგებელია, ამასთან ერთად ის ასევე მეფე ტრიტონის დაა.
2. გასტონი „მზეთუნახავისა და ურჩხულის“ ბოროტმოქმედია. აღსანიშნავია, რომ პერსონაჟი ორიგინალ ისტორიაში არ არსებობს, თუმცა კინოადაფტაციაში ის პირველად 1946 წელს გამოჩდა, რის შემდეგაც უკვე მულტფილმშიც მოხვდა.
3. დისნეის პირველ სრულმეტრაჟიან მულტფილმში, ფიფქია და შვიდი ჯუჯაში (1937წ.), ასევე პირველად გამოჩნდა ქალი ბოროტმოქმედი, რომელსაც გრიმჰილდა ჰქვია.
4. მწვანე ფერი ძირითადად ასოცირდება ბუნებასთან, სიცოცხლესთან ან/და ჯანმრთელობასთან, . თუმცა, Disney-ში ეს ფერი სხვაგვარ მნიშვნელობას იძენს, რადგან თითქმის ყოველთვის ასოცირდება ბოროტმოქმედებთან.
5. იასამნისფერი, წითელი და შავი ასევე ის ფერებია, რომლებიც ასოცირდება დისნეის ყველაზე დასამახსოვრებელ და ქარიზმატულ ბოროტმოქმედებთან.
6. დამახასიათებელი დიზაინი, რომელიც მალეფისენტას სხვა პერსონაჟებისაგან განსაკუთრებულად გამოჰყოფს შთაგონებულია როგორც ეშმაკით (რქები), ასევე ჩეხური შუასაუკუნეების სამოსით (ცეცხლის ფორმის მოსასხამი).
7. სკარს, მეფე ლომის ანტაგონისტსა და ერთ-ერთ ყველაზე ბოროტ ბოროტმოქმედს, თავდაპირველად განსხვავებული სახელი ჰქონდა – ტაკა, რაც სუაჰილურად „ნარჩენებს“ ნიშნავს.
8. დისნეის სამყაროს ყველაზე ახალგაზრდა ბოროტმოქმედები, ჰანსი და გასტონი არიან, რომლებიც 23 და 25 წლისები არიან
9. დისნეის ჯუმგლების წიგნის ადაფტაციაში კაა ბოროტი პერსონაჟია, თუმცა ორიგინალ ნაწარმოებში, ფითონი მაუგლის მაიმუნებისაგან გადაარჩენს
10. კრუელა დე ვილი ერთ-ერთი ყველაზე დასამახსოვრებელი და სასტიკი ბოროტმოქმედია, რომელიც 101 დალმატინელში გამოჩნდა პირველად, თუმცა აღსანიშნავია, რომ თავდაპირველად პერსონაჟი The Adventures of Bernardo and Bianca-ს ანტაგონისტი უნდა ყოფილიყო, სადაც Madame Medusa-ს ადგილი უნდა დაეკავებინა
11. 1991 წლამდე დისნეის მულტფილმებში პრინცესების შესახებ, აბსულუტურად ყველა ბოროტმოქმედი ქალია
12. პირველი მამაკაცი ანტაგონისტი პრინცესულ მულტფილმში გასტონია, რომელიც Beauty and the Beast-ში გამოჩნდა, მას კი მალევე ჯაფარი მოჰყვა ალადინიდან
13. Tangled-ში გოთელს რაპუნცელისაგან რადიკალურად განსხვავებული ტანსაცმელი აცვია. მისი ჩაცმულობა რენესანსის ეპოქიდაა, რომელიც 1300 წელს დაიწყო, ხოლო და ფილმის მოქმედება 1700 წელს ხდება, ასე რომ… ის დაახლოებით 400 წლისაა!
14. ჰადესი Hercules-ის ბოროტმოქმედია, თუმცა ის არ არის ერთადერთი დისნეის საკულტო ანტაგონისტი, რომლის შემჩნევაც შეიძლება მულტფილმში. თუ ყურადღებით დავაკვირდებით, დავინახავთ Scars, რომელის ტყავიც თავად ჰერაკლეს აქვს წამოცმული, როდესაც მის პორტრეტს ხატავენ (სავარაუდოდ მის ერთ-ერთ გმირობაზე მითითება, როდესაც მან ნემეის ლომი დაამარცხა)
15. 2016 წელს, ზოოტოპიამ გაგვაცნო საყვარელი პატარა ცხვარი, სახელად ბელვეტერი. თავდაპირველად ის ლამაზი ჩანს და მისი სათვალე ყავისფერია, მაგრამ როდესაც ის აჩვენებს თავის ნამდვილ სახეს, მისი სათვალის ფერი ხდება იასამნისფერი და მოლურჯო.
16. დისნეის ძირითადი ბოროტმოქმედების ერთად ნახვა 2001 წლის Mickey’s House of Villains-ში შეიძლება
