დღემდე ბევრს მერილინ მონროს ხსენებისას ქერა ლამაზმანი წარმოუდგება, რომელმაც ერთხელ ჯონ კენედის “Happy Birthday, Mr. President” უმღერა, სხვებს მომენტალურად ახსენდებათ ნიუ-იორკის მეტროს შახტიდან მქროლავი ქარისგან აფრიალებული თეთრ კაბაში გამოწყობილი მსახიობი, ზოგსაც კი სხვადასხვა ფილმებში განსახიერებული თითქმის ერთიდა იგივე სტილის გოგონები, თუმცა პირველ რიგში მაყურებელს მერილინ მონროზე სახელის გაგონებაზე, რაც აზრად პირველად მოსდის უდაოდ მისი თვითმკველელობის მიზეზია, რომელიც დღემდე ბურუსით არის მოცული. ყოველივე ხსენებულის მიუხედავად, მერილინ მონრო დღემდე რჩება ერთ-ერთ ყველაზე სექსუალურ ქალად, რომელმაც ჰოლივუდის სილამაზის სტანდარტები სამუდამოდ შეცვალა.
მიუხედავად იმისა, რომ მსახიობს არაერთი შესანიშნავი და დასამახსოვრებელი როლი აქვს შესრულებული, რომელთა შესახებ მაყურებლთა უმეტესობამ იცის, უმცირესობაში იქნებიან ის ადამიანები, რომლებმაც იციან თუ როგორ დაიწყო მერილინმა საკუთარი მოღვაწეობა ჰოლივუდში. მეტად სწორი იქნებოდა გვეთქვა, რომ მომავალი მსახიობი, მომღერალი და სექსსიმბოლო 1946 წელს ფოტოგრაფმა რიჩარდ მილერმა აღმოაჩნა, რომელმაც 19 წლის გოგონას ფოტოსესია მოუწყო. ნორმა ჯინ მორტენსონი მაშინ ამ სახელით გაიცნო მომავალი ვარსკვლავი ფოტოგრაფმა, თუმცა წარმოდგენა არ ჰქონდა, რომ პატარა გოგონა მალევე შტატებისა და მთელი მსოფლიოს ერთ-ერთი ყველაზე კაშკაშა ვარსკვლავი გახდებოდა. ეგ კი არა, იმაზეც ვერასოდეს იფიქრებდა, რომ მერილინ მონროს კარიერის დასაწყისში გადაღებული ფოტოსურათები, წლების შემდგომ 100 000 დოლარად იქბებოდა შეფასებული.
პერიოდულად მერილინ მონროს ახალ-ახალი ფოტოსურათები ხდება ფართო მასებისათვის ხელმისაწვდომი, თუმცა აუცილებლად აღსანიშნავია, რომ აბსოლუტურად ყველა ფოტოსურათში რომელიც მაყურებლამდე სხვადასვა საშუაელბებით აღწევს ყველგან მერილინი „ბედნიერია“ ან/და ქმნის ამის განცდას იცინის, იღიმის და ზოგადად პოზირებს ფოტოკამერის წინაშე. ერთ-ერთი მსგავსი ფოტოსესია, 1950 წელს ჟურნალმა Life-მა მოაწყო, სადაც ფოტოფრაფად Ed Clark მოიწვია და უთხრა მას, რომ ჯერ არავისათვის ცნობილი ახალგაზრდა გოგონასათვის ბუნებაში ფოტოები გადაეღო.
