სამეფო კარის თამაშებმა ხანგრძლივი პერიოდის განმავლობაში ტელეკრენებთან მილიონობით ადამიანი მიაჯაჭვა. აქვე აღსანიშნავია, რომ ბოლო ათწლეულის ერთ-ერთი ყველაზე პოპულარული და შემოსავლიანი ტელესერიალი სამეფო კარის თამაშებია, რომელმაც HBO-ს 8 მილიარდ აშშ დოლარზე მეტი შემოსავალი მოუტანა. როგორც თქვენთვის ცნობილია. სეზონიდან სეზონამდე შოუ უპრეცედენტო წარმატებებს აღწევდა და რეკორდს რეკორდზე ამყარებდა. GOT-ი HBO-ს ყველაზე წარმატებულ და ზოგადად ტელეშოუების ისტორიაში ერთ-ერთი ყველაზე მასშტაბურ სერიალად იქცა. სერიალი თავიდანვე გითრევს და პირველი რამდენიმე სეზონი საკმაოდ საინტერესოდაც მიმდინარეობს, თუმცა მაყურებელის გულისწყვეტად ამ პროცესის განუყოფელი ნაწილი გახდა, რადგან ის დადებითი პერსონაჟები, რომლის გულშემატკივრობასაც იწყებ სერიიდან სერიამდე, სათითაოდ სხვადასხვა მიზეზებით იხოცებიან. შესაბამისად ხანდახან ფიქრობ კიდეც: „აუუ ესეც რომ მოკვდეს მე ამას აღარ ვუყურებ…“ თუმცა, როგორც აღმოჩნდა, სხვა დადებით მიზეზებთან ერთად, ეს კონკრეტული ფაქტიც აღმოჩნდა ის ნიუანსი, რომელიც შოუს მეტ ხიბლსა და პოპულარობას მატებდა.
მიუხედავად იმისა, რომ VIII სეზონმა არაერთ მაყურებელსა თუ ფანს გული დაწყვიტა, საბოლოოდ სერიალი იმ ლოგიკურ დასასრულს მიუახლოვდა, რომლისთვისაც თითქმის 10 წლის მანძილზე და რვა სეზონის განმავლობაში გვამზადებდნენ. როგორც დიდი ეკრანებისათვის ასევე მცირე, მოქმედებს ერთი მარტივი პრინციპი, თუ პროექტი წარმატებულია, მისგან მაქსიმალური უნდა გამოიწუროს. როგორც ხდება დიდ ეკრანებზე, მსგავსი პრინცი მოქმედებს მცირესათვისაც, რადგან, სადაც არის მოთხოვნა იქ არის მიწოდებაც, შესაბამისად ბოლო სეზონის დასრულებით HBO-მ ჩართო ე.წ „კონვეიერი“ და სამყაროს მილიონობით ადამიანის საყვარელი სერიალის (GoT), პრიკველის გადაღება დაიწყო და მისი თრეილერის ჩვენაც კი მოასწრო, რომელიც ბარათეონის ტახტის ხელში ჩაგდების მოვლენებამდე 200 წლით ადრე ვითარდება. აქვე შეგახსენებთ, რომ პრიკველი განსხვავებით GoT-ის ბოლო სეზონისაგან ჯ.რ.რ მარტინის 2018 წლის წიგნის „Fire & Blood“-ის ადაფტაციაა, რომელშიც კონკრეტულად მოთხრობილია ტარგარიანების ოჯახის ისტორია, მათი აღმასვლა და ვარდნა…
შოუს პირველი სეზონის პირეველმა ეპიზოდმა ყოველგვარ მოლოდინს გადააჭარბა. მაშინ როდესაც სერიალები ერთი-მეორის შემდეგ იძირება, HBO-მ და შოურანერებმა მოახერხეს გაემეორებინათ GOT-ის გარემო, ელფერი და ინტრიგა, თუმცა ოდნავ სხვა შეფუთვით, ასევე როგორც გაეცოცხლებინათ საკმაოდ კოლორიტული პერსონაჟები, რომლებიც საკმაოდ ქარიზმატულმა მსახიობებმა განასახიერეს. შეგახსენებთ, რომ პირველი ეპიზოდის საწყისმა ეპიზოდებმა საკმაოდ ღირესული შეფასებები მიიღეს, მაგალითად imdb-ზე პირველ და მეორე სეზონს, ორივეს 8.8 შეფასება გააჩნია, როგორც განვითარდება წინ მოვლენები ჯერ-ჯერობით უცნობია, თუმცა თუ პირველი სეოზნის 11-ივე ეპიზოდი მსგავსი იქნება ლეგენდარული სერიალის პრიკველს წინ დიდი მომავალი ელის, ასევე როგორც იქნება ღირსეული ჩამნაცვლებელი გამოთავისუფლებული ნიშასათვის (რასაც ამაზონი ძალიან ცდილობს, მაგრამ ჯერ-ჯერობით…).
ახლა კი გვინდა გაგაცნოთ ის მსახიობები და პერსონაჟები, რომლებიც შოუში იღებენ მონაწილეობას. ზოგიერთ მათგანს აუცილებლად იცნობთ, ზოგზაც ნაკლებად, თუმცა ერთი რამ ნათელია, რომ თითოეულმა მსახიობმა დაკისრებული მოვალეობა ნამდვილად ღირესულად შეასრულა:
Julian Lewis Jones (Boremund Baratheon)
Steffan Rhodri (Hobert Hightower)
Bill Paterson (Lord Lyman Beesbury)
David Horovitch (Grand Maester Mellos)
Graham McTavish (Ser Harrold Westerling)
Fabien Frankel (Ser Criston Cole)
Sonoya Mizuno (Mysaria)
Eve Best (Princess Rhaenys Targaryen)
Steve Toussaint (Lord Corlys Velaryon)
Rhys Ifans (Ser Otto Hightower)
Emily Carey (ახალგაზრდა Alicent Hightower)
Milly Alcock (ახალგაზრდა Rhaenyra Targaryen)
Olivia Cooke (Lady Alicent Hightower)
Emma D’Arcy (Princess Rhaenyra Targaryen)
Matt Smith (Prince Daemon Targaryen)
Paddy Considine (King Viserys I Targaryen)
