ან არბორის ფესტივალი უძველეს ავანგარდულ და ექსპერიმენტულ კინოფესტივალადაა მიჩნეული, რომელიც ჩრდილოეთ ამერიკის ქალაქ ან არბორში 1963 წელს, მიჩიგანის პროფესორმა, ჯორჯ მანუპელმა დაარსა. ფესტივალი აქცენტს დამოუკიდებელ კინოზე აკეთებს და ექვსი დღის განმავლობაში მიმდინარეობს.
ფესტივალს 40-მდე პროგრამა აქვს და ყოველწლიურად 120-მდე კინოფირს აჩვენებს. შეიძლება წარდგენილი ფილმების სიაში ცნობილი სახელები ვერ ამოიკითხოთ, თუმცა თავის დროზე, ისეთი დამწყები რეჟისორები ხვდებოდნენ ფესტივალზე, როგორებიცაა ბრაიან დე პალმა, ანიეს ვარდა, ენდი უორჰოლი, გას ვან სენტი და სხვა.
წლევანდელი ფესტივალი 20 მარტიდან 25 მარტამდე ჩატარდება.
