დედამიწის უნიკალური ადგილები, ველური ბუნება, ადამიანები და ცხოველები – სამყარო, რომელიც ჩვენს პლანეტაზე არსებობს და არ ვიცნობთ… გთავაზობთ 5 გასაოცარ დოკუმენტურ სერიალს დედამიწის შესახებ:
ადამიანების პლანეტა (2011)
ადამიანების პლანეტა BBC-ის 8-ეპიზოდიანი დოკუმენტური სერიალია, რომელიც მოგვითხრობს დაუჯერებელ ისტორიებს ადამიანებსა და ბუნებასთან მათ ურთიერთობაზე. სერიალი გვარწმუნებს, რომ ადამიანს ნებისმიერ გარემო პირობებში შეუძლია ცხოვრება.
ცხოვრების ისტორია (2014)
BBC-ის დოკუმენტური მინი-სერიალი აღწერს იმ სირთულეებსა და წინააღმდეგობებს, რომელთა გადალახვაც უწევთ ცხოველებს. ყოველი სახეობა შთამომავლობის დატოვებას და გადარჩენას ცდილობს. სერიალის სამუშაო სახელწოდებაც გადარჩენა გახლდათ.
აფრიკა (2013)
სერიალი გვიყვება აფრიკის ველურ ბუნებასა და გარემოზე. ამ 6-ეპიზოდიანი სატელევიზიო შოუს გადაღებას ოთხი წელი დასჭირდა და მასზე BBC-ის ბუნების ისტორიის ჯგუფმა იმუშავა.
პლანეტა დედამიწა (2006)
ეს არის ყველაზე მაღალბიუჯეტიანი დოკუმენტური სერიალი ბუნებაზე, რომელიც BBC-ის შეუქმნია და რომელშიც გასაოცარი პეიზაჟები და დედამიწის აქამდე შეუსწავლელი ადგილებია ნაჩვენები. Emmy, Royal Television Society, Peabody Awards – მხოლოდ ნაწილია იმ საერთაშორისო ჯილდოების, რომელიც პლანეტა დედამიწამ დაიმსახურა.
ჩვენი პლანეტა (2019)
პლანეტა დედამიწის შემქმნელებმა წელს ახალი სერიალით გაგვანებივრეს. მათ ჩვენი პლანეტა Netflix-ისთვის შექმნეს და ეს პირველი დოკუმენტური სატელევიზიო შოუა ბუნებაზე Netflix-ის ისტორიაში. სერიალი საშუალებას გვაძლევს, ვნახოთ ჩვენი პლანეტის უნიკალური ადგილები და ცხოველების ცხოვრება ამ ადგილებში.
ხუთივე სერიალის ნახვა აჭარანეტზე ქართულად შეგიძლიათ!
